Tregu i shtëpive në Britani, në stanjacion – Ekspertët nuk presin rritje të çmimeve në 2020-ën, për shkak të Brexit

Çmimet e shtëpive në Mbretërinë e Bashkuar u rritën me një normë vjetore në 1.4% gjatë muajit Dhjetor dhe nuk priten shumë ndryshime gjatë vitit që sapo ka hyrë, shprehen ekspertët në vend.

Drama e Brexit që vijon që prej vitit 2016 i ka dhënë një goditje të fortë tregut të banesave në vend. Fitorja dërrmuese e Boris Johnson në zgjedhjet e muajit Dhjetor eliminon disa nga pasiguritë e krijuara, por që sërish mbeten të pranishme dhe që padiskutim do të kenë impakt në tregun imobiliar.

Normat e ulëta të interesit, punësimi i fortë, si dhe mungesa e ofertës në treg po i mbajnë çmimet në dysheme.

“Shumë do të varet nga mënyra se si do të evoluojnë pasiguritë në lidhje me Brexit si dhe parashikimi për rritjen ekonomike globale”-shprehen ekspertët.

Ekspertët presin që ekonomia të zgjerohet  me një hap modest në 2020-ën si dhe çmimet e shtëpive në stanjacion përgjatë 12 muajve në vijim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.