Tregu i sigurimeve – Autoriteti i Konkurrencës i kërkon AMF masa konkrete për konkurrencë të lirë
Hapja e procedurës së hetimit paraprak në tregun e ndërmjetësimit në sigurime nga bankat e nivelit të dytë si edhe mbyllja e hetimit paraprak në tregun e sigurimit të detyrueshëm motorik për përgjegjësinë ndaj palëve të treta për produktin TPL e brendshme, janë këto dy vendimet e marra nga Komisioni i Konkurrencës.
Në njoftimin e bërë publik në faqen zyrtare autoriteti Konkurrencës nënvizon se këto vendime janë marrë krahas rekomandimeve të dhëna pas marrjes në shqyrtim të tregut të sigurimeve gjatë vitit 2018.
Sipas njoftimit në faqen zyrtare, Autoritetit të Konkurrencës bënë të qartë se nëpërmjet vendimeve të mësipërme, ky autoritet në zbatim të nenit 70 të ligjit nr. 9121, “Për mbrojtjen e konkurrencës”, i ka kërkuar Autoritetit të Mbikëqyrjes Financiare rregullimin e tregjeve përkatëse të cilat janë objekt i veprimtarisë së tij, dhe ku Autoriteti i Konkurrencës kërkon vendosjen e një konkurrence të lirë dhe efektive nëpërmjet marrjes së masave konkrete.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.