Tregu më i madh i aviacionit, Airbus pret që Kina të kalojë SHBA, forcon marrëdhëniet 

Franca është “shtëpia” e një prej prodhuesve më të mëdhenj në botë të avionëve dhe ka qenë prej kohësh një partner kryesor i Kinës në aviacion.

Kjo marrëdhënie përfituese për të dyja palët pritet të rritet në të ardhmen, ndërkohë që ekonomia e dytë më e madhe në botë do të kthehet në “tregun më të madh në botë të aviacionit”.

Airbus parashikon se Kina do të kalojë Shtetet e Bashkuara, duke u kthyer në një treg me vlerë sipër 1 trilionë dollarëve në aviacion, në më pak se 20 vite. Kompania ka investuar në zonat lokale të kinës që prej vitit 1985.

Në 1996-ën, Airbus u bashkua me furnitorët e aviacionit në Kinë duke themeluar sipërmarrjen e parë të përbashkët (Hua-Ou Aviation), një kompani që specializohet në trajnimin dhe ofrimin e suportit ndaj klientëve të Airbus në Kinë.

Kjo kompani, ka mbështetur partnerët kinezë të Airbus për të trajnuar mbi 15,000 punonjës, përfshirë pilotët dhe punonjësit e mirëmbajtjes. Fabrika lokale të montimit janë krijuar gjithashtu dhe njësia e Airbus për modelin A320 në Tianjin, mund të  montojë 50 avionë në vit.

Përveç kësaj, Airbus ka nisur bashkëpunimin me kompani rivale kinezë si COMAC, për fusha ku nuk konkurrojnë si manaxhimin e avionëve dhe studimin e tregut.

Vlera totale e bashkëpunimit industrial mes Airbus dhe industrisë kineze të aviacionit ka kaluar vlerën e gjysmë miliardë dollarë, dhe kompania synon që të rrisë investimet në Kinë në 1 miliardë dollarë çdo vit deri në 2020-ën.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.