Tregu i punës në Gjermani – Fuqia punëtore rritet me normën më të lartë në 1 dekadë për 2017-ën
Fuqia punëtore e Gjermanisë është rritur përgjatë vitit 2017, me normën më të lartë në 10 vite.
Të dhënat tregojnë fuqinë e tregut të punës, që ka kthyer konsumin në motorin e ekonomisë gjermane, duke i zënë vendin eksporteve.
Fuqia punëtore u rrit me 630,000 persona vitin e kaluar, një rritje me 1.5%, në një nivel rekord total prej 44.3 milionë.
Kjo është rritja më e madhe vjetore në 1 dekadë. Sipas zyrës Federale të Statistikave, rritja erdhi prej të huajve që kanë gjetur punë në Gjermani, ku disa sektorë ekonomikë gjenden në mungesë të fuqisë punëtore.
Ekonomia gjermane ka treguar rritje për të 8-in vit radhazi në Gjermani, duke marrë nxitje nga konsumi, shpenzimet shtetërore dhe eksportet.
Zyra e Statistikave do të publikojë më vonë gjatë muajit të dhënat paraprake për rritjen ekonomike vjetore, normë që qeveria e pret në 2%. Bundesbank projekton një rritje prej 2.6% të Produktit të Brendshëm Bruto për vitin 2017 dhe 2.5% për vitin 2018.
Instituti i hulumtimeve mbi ekonominë në Mynih, IFO, pret që performanca e fortë e tregut të punës të vazhdojë, duke arritur një total prej 44.8 milionë njerëz të punësuar këtë vit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.