“Trendi në Kinë” – Milenialët dhe Gjenerata Z i kanë ‘hyrë me kokë’ investimit në stoqe. Menaxherët e fondeve adhurohen si yje popi
“Kun Kun”, emri i plotë i të cilit është Zhang Kun, nuk është as një yll popi dhe as aktor. Në vend të kësaj, ai është një nga menaxherët më të shquar të fondeve të Kinës i cili mbikëqyr rreth 120 miliardë juanë (18.6 miliardë dollarë) në asete. Ndjekësit e Zhang, të cilët e etiketojnë veten e tyre “iKun”, (“i” është një shkurtim për fjalën kineze dashuri), gjithashtu kanë krijuar llogari në rrjete sociale që paraqiten si “klubet e tij globale të tifozëve”.
Ndërsa Milenialët dhe Gjenerata Z e e vendit po arrijnë moshën e nevojshme si investitorë, ata po sjellin ‘kulturën e fansave’ në botën e investimeve. Ashtu si superfansët fiksohen pas idhujve të kinematografisë, televizionit apo muzikës ose fillojnë fushata për të çuar yjet e dashur në lartësi edhe më të mëdha të famës, menaxherët kryesorë të fondeve si Zhang po adhurohen si njerëz të famshëm.
Admirimi i tifozëve të fondeve është kryesisht një mënyrë shakaje për të shprehur lumturinë për fitimet që marrin nga investimet. Por aktiviteti i vrullshëm në internet rreth menaxherëve dhe produkteve të tyre është një pasqyrim i dëshirës së brezit për të investuar – anëtarët më të vjetër të Gjeneratës Z janë në fillim të 20-ave dhe në punët e tyre të para – dhe kanë një potencial të madh për të qenë një forcë e fortë në tregjet e kapitalit të vendit .
Investitorët e rinj
Në përgjithësi, pasuritë e fondit të përbashkët të Kinës u rritën nga 2.3 trilionë dollarë në 2019 në 3 trilionë dollarë vitin e kaluar, rritja më e madhe në pesë vjet, sipas Shoqatës së Menaxhimit të Aseteve të Kinës, dhe fitimet e industrisë u rritën me 70% në një rekord prej 309 miliardë dollarësh vitin e kaluar krahasuar me 2019. Një arsye kryesore për kërkesën e fortë për fonde është për shkak të performancës mahnitëse të tregjeve të aksioneve të Kinës të cilat u rritën nga qytetarë të mërzitur që u bënë tregtarë ditorë vitin e kaluar.
Është e mundshme që një pjesë e madhe e rritjes së fundit të pasurive të fondeve të përbashkëta kineze mund t’u atribuohet investitorëve më të rinj – njerëzit e lindur që nga viti 1980 përbëjnë rreth 40% të popullsisë. Më shumë se gjysma e 20 milion investitorëve të fondeve të reja që nga gushti i vitit të kaluar në Kinë ishin nën moshën 30 vjeç, sipas një raporti (lidhje në kineze) nga Mob Tech me bazë në Shanghai, një firmë kërkimore. Në përgjithësi, këta investitorë preferojnë fondet sesa aksionet dhe pronat
Mesatarisht, Genjerata Z e Kinës fillon të investojë dy vjet pasi ata fillojnë të punojnë, krahasuar me 10 vjet për gjeneratën e prindërve të tyre, sipas një raporti të vitit 2019 nga Alipay dhe Instituti i Kinës i Ekonomisë së Re.
Një nga arsyet që të rinjtë të zgjedhin fonde është sepse është një “mënyrë më e lirë” për t’u ekspozuar ndaj stoqeve, veçanërisht atyre të shtrenjta.
Dhe për shkak të revolucionit të pagesave në celular, është shumë e thjeshtë që njerëzit të vendosin para nëpër fonde, shkroi blogerja financiare kineze Song Jianëei. Ndryshe nga prindërit e tyre të cilët mund të blinin fonde vetëm përmes bankave, çdokush tani mund ta bëjë këtë me disa klikime në platformat online, të cilat gjithashtu ofrojnë informacion mbi produkte të ndryshme dhe ofrojnë tarifa transaksionesh që janë më të ulëta se bankat, shkroi Song.
Edhe gjatë festave më të rëndësishme familjare të Kinës këtë vit – si Viti i Ri Lunar, kur familjet mblidhen së bashku për një vakt të madh – mbi 600,000 njerëz shikuan transmetimet e drejtpërdrejta të lidhura me financat në Alipay. Interesimi rreth investimit madje është shtrirë në platforma jo-financiare si uebfaqja e transmetimit të videos Bilibili, ku disa vlogerë të proceseve të make-upit kanë filluar të bëjnë video duke folur për përvojat e tyre të investimeve. (Burimi: Quartz)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.