Truku me ujin/ Si të kuptoni në pak sekonda se sa e freskët është veza! Dhe a duhet t’i lajmë ato?!

Edhe pse vezët e “vjetra” mund të konsumohen gjithsesi, nuk kanë të njëjtën shije si ato të freskëtat. E kur i përgatisim, nuk rezultojnë perfekte sikurse shpresojmë. Por si mund të kuptojmë nëse vezët janë vërtetë të freskëta?

Prova e lundrimit në ujë

Shpesh nuk kemi në dispozicion paketimin prej kartoni për të verifikuar freskinë e vezëve përmes datës. Ekziston nga ana tjetër një alternativë që mund të na ndihmojë për të kuptuar se sa e freskët është veza që po bëhemi gati të konsumojmë.

Prova konsiston në vendosjen e vezës në një tas me ujë, duke bërë kujdes që të mos thyhet. Nëse është vezë e freskët, do të zhytet duke u pozicionuar gjatësisht në pjesën e sipërme të tasit. Sa më e vjetër veza aq më e madhe pjesa e saj që qëndron jashtë ujit duke lundruar. Kjo sepse me kalimin e kohës veza humbet lëngun e brendshëm përmes poreve të gëzhojës së saj. Kjo provokon një humbje të peshës së saj pasi rritet sasia e ajrit në brendësi.

Ashtu sikurse për çdo ushqim tjetër, sa më të freskëta të jenë vezët, aq më shumë ushqyese do të jenë dhe me shije.

A është e këshillueshme t’i lajmë vezët?

Për asnjë motiv nuk këshillohet larja e tyre sepse rrezikon të dobësojë apo të dëmtojë gëzhojën që shërben si barrierë mbrojtëse dhe eviton futjen e mikroorganizmave.

Marrë me shkurtime nga “Ideegreen”/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.