Trump detyron shitjen e TikTok. Pritet t’i japë firmës 45 ditë për të negociuar shitjen tek Microsoft

Presidenti i Shteteve të Bashkuara, Donald Trump, ra dakord t’i japë firmës kineze ByteDance 45 ditë për të negociuar shitjen e aplikacionit popullor me video të shkurtra TikTok ndaj Microsoft, sipas burimeve për Reuters.  Zyrtarët amerikanë kanë thënë se TikTok, nën firmën mëmë kineze, përbën një rrezik kombëtar për shkak të trajtimit të të dhënave personale. Trump deklaroi javën e kaluar se po planifikon të ndalojë TikTok në Shtetet e Bashkuara, pasi hodhi poshtë idenë e shitjes ndaj Microsoft.

Megjithatë, pas një diskutimi mes Trump dhe ekzekutivit të Microsoft, Satya Nadella, kompania në washington deklaroi se do vazhdojë në fundjavë se do vazhdojë negociatat për të blerë TikTok nga ByteDance dhe se synon të arrijë një marrëveshje më 15 Shtator.  Nuk është ende e qartë se çfarë e bëri Trump të ndryshojë mendje. Ndalimi i TikTok do të zemërojë shumë prej përdoruesve të rinj përpara zgjedhjeve presidenciale të Nëntorit dhe me shumë mundësi do të nxisë një valë të betejave ligjore.  Disa politikanë të njohur republikanë kanë deklaruar në ditët e fundit se i kanë bërë thirrje Trump që të mbështesë shitjen e TikTok ndaj Microsoft. Negociatat me ByteDance dhe Microsoft do të mbikqyren nga Komisioni i Investimeve të Huaja në SHBA (CFIUS), një panel qeveritar që ka të drejtën të bllokojë marrëveshjet.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.