Trump do ndryshojë ligjet e mjedisit – Kërkon të përshpejtojë gazsjellësit duke anashkaluar rregullat
Presidenti Donald Trump lajmëroi këtë javë planet përfundimtare për të përshpejtuar lejet e projekteve të infrastrukturës si gazsjellësit dhe zgjerimin e rrugëve, një lëvizje që do të anashkalojë nevojën për pjesëmarrje publike, veçanërisht në komunitetet me të ardhura të ulëta. Propozimi për të ndryshuar zbatimin e Aktit Kombëtar të Politikave të Mjedisit për të parën herë në 50 vite, është pjesë e fushatës së Trump për të anashkaluar rregulloret e mjedisit dhe nxitur projekte që duan vite për t’u miratuar. Ndër të tjera, rregulli përfundimtar thekson se agjencitë federale nuk do ndërhyjnë në “ndikimet e akumuluara” të një projekti, që mund të përfshijë ndikimin tek ndryshimi klimatik. Përpjekjet e Trump janë bllokuar apo ngadalësuar në gjykata prej padive. Në javën e kaluar, një gjykatës federal urdhëroi mbylljen e një gazsjellësi në Dakota, pasi inxhinierët e ushtrisë amerikane dështuan të zhvillojnë një studim të ndikimit mjedisor të përshtatshëm. Zyrtarët e kanë quajtur këtë si propozimin më të madh të çrregullimeve të administratës së Trump. Organizatat mjedisore kanë thënë se planifikojnë të padisin administratën e Trump për këtë rregull, me bazat se po përpiqet të rishkruajë një ligj amerikan pa miratim në kongres.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.