Trump heq taksën e pagës – Ekonomistët shpjegojnë pse kjo masë nuk është efektive
Presidenti Donald Trump nënshkroi një veprim ekzekutiv të shtunën për të miratuar një ulje të taksës së pagave, një hap që i është kërkuar të ndërmarrë gjatë gjithë pandemisë në një përpjekje për të lehtësuar kuletën e njerëzve.
Teksti i memorandumit thotë se njerëzit që fitojnë nën 4,000 dollarë çdo dy javë – ose 100,000 dollarë në vit – nuk do të duhet të paguajnë taksë page nga 1 shtatori deri më 31 dhjetor.
Kjo nismë mund të pështjellohet në një përplasje me ligjvënësit nga të dy palët, pasi Kongresi hodhi poshtë masën në propozimet e stimulimeve të së kaluarës. Dhe shumë ekonomistë thonë se kjo nuk do të ishte efektive për të ndihmuar miliona njerëz të papunë, pasi ato nuk kanë pagë.
Por masa nuk ka gjasa të sjellë më shumë para edhe për xhepat e atyre që punojnë. Ky memorandum thjesht shtyn pagimin e taksave për vitin e ardhshëm, dhe vetëm legjislacioni i Kongresit mund të ç’bëjë ndonjë detyrim ligjor.
Ekspertët thonë se masa nuk është aq e drejtpërdrejtë sa parashtruan ekonomistët konservatorë. Kodi i taksave lejon Departamentin e Thesarit të shtyjë afatet e taksave deri në një vit vetëm gjatë një katastrofe kombëtare, shkroi në Twtter Daniel Hemel, një profesor i ligjit të taksave në Universitetin e Çikagos.
Kjo për shkak të juridiksionit të ekzekutivit mbi taksat. Ndërsa Trump ka autorizimin të urdhërojë IRS që të ndalojë mbledhjen e taksave, presidenti nuk mund të heqë faturat e taksave; kjo kërkon që Kongresi të hyjë në lojë.
Pra, edhe me një urdhër ekzekutiv që pezullon taksat e pagave, kompanitë u kërkohet të kryejnë ato pagesa në të ardhmen – përveç nëse Kongresi miraton legjislacionin që i lejon mosmbledhjen përfundimtare të taksave.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.