Trump ka të drejtë për euron – Sipas treguesit të OECD, valuta është 22% e nënvlerësuar

Komentet e fundit të presidentit të Shteteve të Bashkuara, Donald Trump mbi tregjet financiar, rezultojnë të vërteta sipas ekspertëve të këmbimit valutor. Trump shkroi në Twitter gjatë javës se euro është e nënvlerësuar kundër dollarit,  “çka vendos SHBA në një disavantazh të madh”. Duke u bazuar te modeli i paritetit të fuqisë blerëse të Organizatës për Bashkëpunim dhe Zhvillim Ekonomik, presidenti Trump ka të drejtë, pasi valuta e përbashkët është 22% e nënvlerësuar ndaj dollarit amerikan.

Sipas treguesit “Big Mac” të “The Economist” për të matur vlerësimet e valutave,  euro është 15% e nënvlerësuar. Euro ra menjëherë pas komenteve të Trump, në 1.1302 kundër dollarit, duke u rimëkëmbur lehtë më vonë.  Valuta e përbashkët ka rënë me 4% ndaj valutës së gjelbërt në 12 muajt e fundit.  Tregues të tjerë sugjerojnë se vlerësimet nuk kanë devijuar shumë nga normat historike.  Sipas një indeksi të Rezervës Federale për dollarit që zhvesh efektet e inflacionit dhe tregtisë, valuta është 6% sipër mesatares 20-vjeçare.

Ndërkohë, euro është rreth 6% poshtë mesatares që prej prezantimit në vitin 1999. Sipas analistëve të “RBC Capital Markets”, valutat janë brenda vargut normal të vlerësimeve dhe nuk ka ndonjë politikë të mirëmbajtes së një valute të nënvlerësuar,  apo politikë të ruajtjes së nënvlerësimit të valutës.   Vlera e dollarit përbën një shqetësim për administratën e SHBA, pasi fuqizimi i valutës i bën eksportet amerikane më pak konkurruese jashtë vendit.   Dollari ndikon gjithashtu te politikat monetare, pasi kufizon çmimet e importit dhe bie ndesh me përpjekjet për të rritur inflacionin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.