Trump kërcënon sërish – Jam i gatshëm të vendos tarifa për $500 mld importe nga Kina
Presidenti amerikan, Donald Trump deklaroi se është i gatshëm të vendosë tarifa për 500 miliardë dollarë produkte të importuara nga Kina, duke kërcënuar kështu të përshkallëzojë luftën tregtare gjë që do të kishte pasoja të pashmangshme edhe në tregjet financiare globale.
“Ne jemi shumë poshtë”, deklaroi Trump sa i përket defiçitit tregtar me Kinën.”Unë jam gati të shkojmë në 500”, nënvizoi ai.
Në një deklaratë që më shumë duket si kërcënim. Këto komente kanë ngjallur shumë shqetësime të tregjet dhe investitorët. Ditën e premte, dollari amerikan ra kundrejt shportës së valutave kryesore ndërkohë që edhe indekset kryesore të Wall Street u regjistruan në rënie.
Indeksi që mat performancën e dollarit amerikan mbylli kështu sesionin ditor me rënien më të madhe në tre javë. Nga ana tjetër, një zyrtar i lartë i Rezervës Federale paralajmëroi se, lufta tregtare do të ketë pasoja të mëdha në ekonominë amerikane.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.