Trump lajmëron ndihma për fermerët. 13 mld USD për Wisconsin, për t’u rimëkëmbur nga “virusi kinez”
Presidenti i Shteteve të Bashkuara, Donald Trump, lajmëroi një raund të ri të ndihmave nga pandemia për fermerët, në rreth 13 miliardë dollarë, gjatë një mbledhjeje në Wisconsin, duke ofruar mbështetje në një sector të rëndësishëm. Wisconsin njihet për industritë e qumështit dhe djathit, që janë goditur rëndë si nga lufta tregtare dhe nga pandemia e covid-19. Megjithatë, sasia e ndihmave ndaj fermerëve disa javë përpara votimit, ishte e papritur. Trump mposhti demokraten Hilari Clinton në Wisconsin në vitin 2016 me më pak se 1% avantazh dhe shënoi herën e parë që shteti voton për një republican që prej vitit 1984.
“Jam krenar të lajmëroj se do vazhdoj të mbështes fermerët e Wisconsin që nga java e ardhshme. Administrata do angazhojë 13 miliardë dollarë shtesë në ndihma për fermerët, që të rikuperohen nga virusi kinez, përfshirë këtu fermerët e jashtëzakonshëm të qumështit dhe boronicës në Wisconsin, që janë goditur rëndë”.
Trump foli në Mosinee, një qytet rural në pjesën qendrore të Wisconsin, ndërkohë që zyrtarët raportuan 2,034 raste të reja të koronavirusit, një rritje rekord ditore. Programi i ri i ndihmave, që do të publikohet me detaje nga departamenti i bujqësisë, do të përdorë 14 miliardë dollarë shtesë nga Fondet e Kreditit të Lëndëve të Para, që Kongresi ra dakord ti paraguajë nën Aktin e Ndihmave të Koronavirusit (CARES). Fermerët pritet të nisin aplikimet për programin e ri ditën e hënë, sipas burimeve. Sasia që do të marrin fermerë të ndryshëm nuk është ende e ditur, por programi pritet të zhvillojë pagesa direkte tek prodhuesit e mishit, qumështit, grurit, perimeve dhe produkte të tjera. Pagesat do të bazohen tek rendimenti i të korrave dhe tek ndikimi që ka patur pandemia tek çmimi i lëndëve të para
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.