Trump largohet nga konferenca pasi disa të shtëna u dëgjuan afër Shtëpisë së Bardhë
Presidenti Donald Trump u largua papritur nga dhoma e konferencës së Shtëpisë së Bardhë të hënën nga Shërbimi Sekret pa shpjegime, duke shkaktuar konfuzion të menjëhershëm.
Trump kishte folur vetëm për disa momente përpara se të nxitej jashtë dhomës. Presidenti u kthye në dhomën e konferencave çaste më vonë dhe njoftoi se kishte gjuajtje me armë në afërsi të Shtëpisë së Bardhë. Trump tha se ligjzbatuesit qëlluan një “të dyshuar” dhe personi po dërgohej në një spital.
Në një deklaratë të lëshuar në orët e vona të së hënës në mbrëmje, Shërbimi Sekret i SHBA-së tha se një burrë 51-vjeçar ishte afruar duke pretenduar se kishte një armë.
“I dyshuari vrapoi agresivisht drejt oficerit dhe tërhoqi një send nga veshja e tij,” thuhet në deklaratë.
Oficeri u përgjigj duke qëlluar njeriun, sipas deklaratës, e cila thoshte që burri u dërgua në një spital. Ende nuk dihen shkaqet që ndikuan në veprimin e të dyshuarit.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.