Trump paralajmëron amerikanët: Do të jetë java më e vështirë, do të ketë shumë vdekje
Presidenti Donald Trump të shtunën paralajmëroi se Shtetet e Bashkuara mund të përballen me “javën më të vështirë” në luftën kundër koronavirusit.
“Kjo do të jetë ndoshta java më e vështirë midis kësaj jave dhe javës tjetër,” tha ai. “Do të ketë shumë vdekje, për fat të keq, por shumë më pak vdekje sesa do të kishte nëse nuk do të ishin marrë këto masa. Por do të ketë vdekje.”, tha ai.
Ai tha se New York, i cili është bërë epiqendra e shpërthimit në SHBA, së shpejti do të ketë 1000 personel ushtarakë, përfshirë mjekë, infermierë dhe specialistë të frymëmarrjes.
Dr. Deborah Birx, koordinatorja e forcave anti-koronavirus të Shtëpisë së Bardhë, gjithashtu theksoi se ditët dhe javët e ardhshme janë vendimtare në ndalimin e përhapjes së virusit.
“Dy javët e ardhshme janë jashtëzakonisht të rëndësishme,” u tha Birx gazetarëve.
D.B – SCAN
Burimi: Business Insider https://www.businessinsider.com/trump-warns-of-a-lot-of-death-toughest-week-2020-4
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.