Trump pritet të tolerojë emetimet e karbonit në makina, duke ‘goditur’ luftën ndaj ndryshimit klimatik
Administrata Trump po rikthen përpjekjen më të fortë të qeverisë amerikane për të luftuar krizën e klimës, duke dobësuar rregullat të cilat detyrojnë kompanitë e automjeteve të prodhojnë makina me efiçencë në mbetjet e karburantit. Kritikët thonë se masa do të çojë në më shumë ndotje të ajrit që është i rrezikshëm për jetën dhe do t’i detyrojë amerikanët të shpenzojnë më shumë për benzinë.
Ndryshimet që nga rregulloret e epokës së presidentit Obama, do të lejojnë që automjetet të lëshojnë rreth një miliardë tonë më shumë dioksid karboni që bllokojnë nxehtësinë – ekuivalent me afërsisht një të pestën e emetimeve vjetore të SHBA.
Rikthimi është një nga dhjetëra vendime që Trump ka marrë, duke kërkuar të forcojë industrinë e karburanteve fosile në mes të kundërshtimeve të mëdha nga shtetet e udhëhequra nga demokratët dhe një reagim i fortë nga liderët botërorë.
Ekspertët thonë se bota është ende e pavendosur në trajtimin e urgjencës së klimës, pas një viti nxehtësie rekord, rritje të urisë, zhvendosjes dhe humbjes së jetës për shkak të temperaturave ekstreme dhe katastrofave të motit.
Donald Trump pritet të lavdërojë rregullin e ri si një nxitje për ekonominë amerikane, e cila është goditur nga pandemia e koronavirusit. Administrata e tij thotë se dobësimi i standardeve do t’i bëjë makinat rreth 1.000 dollarë më të lira, duke bërë që amerikanët të blejnë modele më të reja dhe më të sigurta duke rezultuar në më pak fatalitete.
Shefi i Agjencisë për Mbrojtjen e Mjedisit (EPA) Andreë Wheeler tha në një deklaratë: “Tani, më shumë se kurrë, këtij vendi i duhet një program i ndjeshëm kombëtar që godet ekuilibrin e duhur rregullator për mjedisin, industrinë e automjeteve, ekonominë, sigurinë dhe familjet amerikane. .
“[Ky rregull] i bën të gjitha ato gjëra duke përmirësuar ekonominë e karburantit, duke vazhduar të zvogëlojë ndotjen e ajrit dhe duke i bërë automjetet e reja më të përballueshme për të gjithë amerikanët.”
Burimi: The Guardian
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.