Trump “shigjeton” Europën – “Janë edhe më pak të ndershëm se Kina ndaj nesh”
Presidenti amerikan Donald Trump duket se nuk ka ndërmend të ndalet në luftën tregtare ndaj ekonomive më të mëdha të botës. Së fundmi, numri një i shtëpisë së Bardhë lëshoi një deklaratë të fortë duke thënë se bashkimi Europian është edhe më pak i ndershëm se Kina ndaj Shteteve të Bashkuara të Amerikës a i përket tregtisë.
“Bashkimi Europian, do të thoja se na trajton më keq se Kina, vetëm se janë më të vegjël”-deklaroi Trump në një takim me agjentë të pasurive të paluajtshme në Washington. Këto deklarata vijnë në kulmin e përplasjeve mes Shteteve të Bashkuara të Amerikës dhe Kinës, por edhe më Bashkimin Europian. Së fundmi Shtëpia e Bardhë deklaroi se do të shtyjë disi në kohë vendosjen e tarifave shtesë për makinat europiane.
Trump ka akuzuar vazhdimisht Europën, dhe sidomos Gjermaninë për një marrëdhënie tregtare jo të drejtë, duke evidentuar sektorin e automjeteve si shembullin kryesor të një situate të tillë.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.