Trump thotë se është i gatshëm të “mbyllë qeverinë” për të ndërtuar murin me Meksikën
Donald Trump shprehet se është i gatshëm të mbyllë qeverinë e SHBA nëse është e nevojshme për të ndërtuar murin përgjatë kufirit me Meksikën.
Presidenti u tha mbështetësve në një tubim “Make Amerika Great Again” në Arizona, se demokratët e opozitës po e pengojnë ngritjen e murit.
Presidenti Trump dëshiron që Kongresi të financojë planin e tij të diskutueshëm për të ndërtuar një mur “të madh e të bukur” përgjatë kufirit të Shteteve të Bashkuara me Meksikën për të mbajtur emigrantët e paligjshëm.
Por republikanët do të kenë nevojë për mbështetjen e demokratëve për të siguruar fonde për murin në një projektligj të shpenzimeve qeveritare, të cilat ata nuk kanë gjasa të marrin.
Në fjalimin e tij, presidenti Trump tha se demokratët po “vënë në rrezik gjithë sigurinë e Amerikës” duke kundërshtuar muret.
Ai gjithashtu tha se oficerët e emigracionit që punonin në zonë thanë se ishte “jetike” për të frenuar rrjedhën e emigrantëve të paligjshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.