Trump, vizitë në Irak – Hera e parë që udhëton në zonat e konfliktit
Presidenti i Shteteve të Bashkuara, Donald Trump, bëri një vizitë surprizë për Krishtlindje te trupat amerikane në Irak këtë javë, që përbën udhëtimin e tij të parë në një zonë të konfliktit në thuajse 2 vite të presidencës. Kjo erdhi pak ditë pasi lajmëroi tërheqjen e trupave amerikan nga vendi fqinj, Siria. Avioni presidencial, Air Force One, u ul në bazën ajrore Al Asad, në perëndim të Bagdadit, pas një fluturimi brenda ditës me zonjën e parë Melania Trump, një grup të agjentëve të shërbimit sekret dhe gazetarëve. Ai qëndrojë për më pak se 3 orë.
“Ne erdhëm në Al Asad për të shprehur mirënjohjen e përjetshme për gjithccka që ju bëni për të mbajtur Amerikën të fortë, të lirë dhe të sigurt. Arsyeja tjetër që jam këtu sot është që t’ju falenderoj personalisht për zhdukjen territorit të kalifatit të ISIS në Irak dhe Siri. 2 vite më parë kur u bëra president, ata ishin një grup dominant. Sot, nuk janë më, punë të paqme.”
Trump ka marrë kritika nga shumë përfaqësues të ushtrisë amerikane që nuk ka vizituar trupat në zonat e konfliktit që prej Janarit 2017 kur mori detyrën. Këto u shtuan kur ai anuloi udhëtimin në varrezën e Luftës së Parë Botërore në Francë muajin e kaluar, për shkak të kohës së keqe.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.