Tubacione prej betoni që shndërrohen në shtëpi të vogla dhe elegante
Zhvilluesit urbanë kanë filluar të gjejnë zgjidhje kreative për çmimet e larta të banesave në mbarë botën.
“James Law Cybertecture” e Hong Kong i është bashkuar trendit më të fundit të “Opod Tube House” bërë nga tubat prej betoni.
Hong Kongu, një nga qytetet më të populluara të planetit është goditur veçanërisht rëndë nga rritja e çmimit të shtëpive.
Të dhënat e qeverisë tregojnë një rritje prej 9% të numrit të familjeve që jetojnë në “strehim joadekuat”, duke përfshirë banesat e ndara dhe ndërtesat industriale.
Arkitekti James Law, i “James Law Cybertecture” e pa këtë krizë strehimi si një mundësi për të dizenjuar një shtëpi me një çmim të përballueshëm.
Kështu lindi dhe ideja e “Opod Tube House”, një tub betoni i riprodhuar i dizenjuar për të akomoduar një ose dy njerëz.
Brendësia vjen e pajisur me të gjithë lehtësitë dhe funksionet e nevojshme, të tilla si një dhomë gjumi që konvertohet në shtrat, një tualet me dush, një frigorifer i vogël si dhe një depo për të mbajtur të gjithë gjërat tuaja.
Këto tuba peshojnë 22 ton secila por kërkojnë pak punë përsa i përket instalimit.
Ato kanë për qëllim të përfitojnë nga hapësirat e vështira urbane që do të mbeteshin bosh duke u kthyer kështu në vendbanime me kosto mjaft më të ulët.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.