Tullumbaci në formë qeni që vlen 58 milion dollarë – Ja cilat janë 10 skulpturat më të shtrenjta në botë (FOTOT)

Njerëzimi ka pasur impulse artistike që datojnë të paktën në epokën Paleolitike, kur u krijuan pikturat e shpellave dhe figurat prej guri më të hershme. Dhe për vite radhazi, njerëzit i kanë mbledhur këto vepra arti. Christie’s dhe Sotheby’s, duopoli i shtëpisë së ankandeve, kanë sjellë blerësit dhe shitësit së bashku për shekuj me radhë, me blerësit që garojnë në luftërat e ofertave për pompimin e adrenalinës.

Ndërsa tregu i artit ka përjetuar ulje dhe ngritje së bashku me ekonominë e gjerë, ai ka parë ngritje të çuditshme në dekadat e fundit, me disa prej ankandeve kryesore duke vendosur rekorde për artistë të ndryshëm në një natë të vetme. Vepra më e shtrenjtë artistike e shitur ndonjëherë në ankand ishte piktura e Leonardo da Vinci-t për Krishtin, “Salvator Mundi”, e cila u shit për 450.3 milion dollarë të pabesueshëm në 2017 në Christie’s.

Ndërsa skulptura nuk ka arritur shifra kaq të larta, çmimet për skulpturë janë gjithashtu stratosferike, me rreth 11 vepra që janë shitur me një vlerë prej 50 milion dollarësh – të gjitha që nga viti 2010.

Më poshtë do të gjeni një përmbledhje të 10 skulpturave më të shtrenjta të shitura ndonjëherë në ankand. Blerësit nuk tregohen gjithmonë, pasi mega të pasurit shpesh u pëlqen të fshehin identitetin e tyre duke bërë oferta përmes përfaqësuesve.

1. ‘L’Homme au doigt’ (1947) nga Alberto Giacometti, 141.3 milion dollarë

2. ‘L’Homme qui marche I’ (1960) nga Alberto Giacometti, 104.3 milion dollarë

3. ‘Chariot’ (1950) nga Alberto Giacometti, 101 milion dollarë

4. ‘Rabbit’ (1986) nga Jeff Koons, 91 milion dollarë

5. ‘La jeune fille sophistiquée (Portret i Nancy Cunard)’ (1928-32) nga Constantin Brancusi, 71.2 milion dollarë

6. ‘Tête’ (1911-12) nga Amedeo Modigliani, 70.7 milion dollarë

7. ‘Balloon Dog (Orange)’ (1994-2000) nga Jeff Koons, 58.4 milion dollarë

8. ‘La muse endormie’ (1913) nga Constantin Brancusi, 57.4 milion dollarë

9. The Guennol Lioness, rreth 3000-2800 B.C., 57.2 milion dollarë

10. ‘Grande tête mince’ (1955) nga Alberto Giacometti, 53.3 milion dollarë

(CNN)

Edel Strazimiri  / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.