Turizëm 2021, 1 në 2 shqiptarë nuk mundet – Barometri: 49% e të anketuarve nuk do të bëjnë pushime verore këtë vit
Pandemia dhe situata e vështirë ekonomike që e shoqëron kanë lënë pothuajse gjysmën e shqiptarëve pa bërë pushime verore. Barometri Ekonomik SCAN, në publikimin e fundit që përfshin tremujorin Prill-Qershor 2021, ka përfshirë dhe pushimet verore. Në një kampion prej 1000 personash, 49% nuk planifikojnë të bëjnë pushime ndërsa 21% nuk e kanë vendosur ende.
Për sa i përket destinacionit, në 85% të përgjigjeve ka dominuar Shqipëria, ku kohëzgjatja e preferuar është rreth 9 ditë ndërsa buxheti mesatar varion në masën më të madhe ndërmjet 30 mijë deri në 50 mijë lekë.
“Në qoftë se shikohet situata e kursimeve, dhe një ndër përgjigjet e dhëna në lidhje me mënyrën e kursime, a keni kursyer apo jo, 53% thonë që nuk kemi mundësi të kursejmë, thjesht po mbijetojmë. Në qoftë se 53% e kampionit është në situatë mbijetese, pa diskutim që 49% e tyre nuk kanë sit ë planifikojnë pushime dhe 21% e tyre nuk e kanë vendosur”, wshtw shprehur Juliana Hoxha nga Partners Albania.
Këto shifra tregojnë një moral ekonomik jo të mirë në Shqipëri tek sa mbyllim rreth 16 muaj nën regjimin problematik të kufizimeve dhe të krizës financiare si pasojë e pandemisë dhe sëmundjes Covid-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.