Turizëm me COVID/Si mund të pajisen me certifikatën “Strukturë e Kontrolluar” hotelet e sipërmarrjet turistike shqiptare këtë sezon
Në prag të sezonit të ri turistik, qeveria shqiptare po përgatitet për t’iu përgjigjur situatës së re të krijuar nga përhapja e pandemisë së shkaktuar nga COVID-19. Në listën e përgatitjeve është edhe ajo e mundësisë së zhvillimit të turizmit sipas standarteve të sigurisë.
E një prej risive në këtë drejtim është që strukturat turistike të vend të pajisen me një certifikatë të posaçme me logon “ “Strukturë e Kontrolluar” .
Referuar draftit që po konsultohet me strukturat hoteliere në vend, certifikata “Strukturë e Kontrolluar” ështe një nismë e përbashkët që do të promovohet nga Ministria e Turizmit dhe Mjedisit dhe Agjencia Kombëtare e Mjedisit, për të rritur ndërgjegjësimin, pastërtinë dhe standardet e higjienës publike dhe për t’i bërë ato norma të praktikës së punës së përditshme.
Sipas draftit që kasiguruar SCAN, shenja e cilësisë “Strukturë e Kontrolluar” kërkon që sipërmarrjet të angazhohen dhe të mbajnë protokolle të qartë për listat e kontrollit sanitar dhe të higjenës, që janë të domosdoshme për të mbrotjur shëendetin e vizitorëve dhe stafit.
Detyrimet e Strukturave Akomoduese
Për të vijuar operimin e aktivitetit brenda standarteve dhe normave kombëtare, sugjerohet që të gjitha sipërmarrjet e aktiviteteve turistike të adaptojnë detyrimet për marrjen e çertifikatës “Strukturë e Kontrolluar”, si vijon:
Emëroni një Koordinator anti-Covid19 për të koordinuar dhe zbatuar masat, sigurimin dhe respektimin e listës së kontrollit.
-Vendosni protokolle të matjes së temperaturës për të gjithë vizitorët në zona hyrëse, si dhe verifikoni cdo ditë dhe me kujdes simptomat e frymëmarrjes së punonjësve.
-Sigurohuni që ata që duhet të jenë në kushte karantine të mos lëvizin për asnjë moment nga banesat apo dhomat e tyre dhe merrni masa për monitorimin e tyre të vazhdueshëm.
-Zbatoni masat e rekomanduara për të siguruar distancat fizike për vizitorët.
– Rrisni frekuencën e dezinfektimit për të gjitha objektet e zakonshme të përdorimit që mund të jenë në kontakt me shumë persona, si dhe siguroni që stafi të respektojë dhe mbajë higjenën e mirë personale.
-Kontrolloni dhe testoni vazhdimisht procedurat për të menaxhuar raste të dyshuara të personave që mund të jenë infektuar nga Covid19.
-Sigurohuni që cdo aktivitet monitorues, pastrimi, raportimi të ketë dokumentacionin dhe evidencat përkatëse, në mënyrë që të vihen në dispozicion të autoriteteve sa herë që mund të kërkohen.
Aplikimi për marrjen e çertifikatës “Strukturë e Kontrolluar”
Sipërmarrjet e Aktiviteteve Turistike, mund të çertifikohen si “Strukturë e Kontrolluar” vetëm pas një vlerësimi zyrtar nga Agjencia Kombëtare e Mjedisit (AKM), bazuar në një listë kontrolli fizik të kërkesave për standardet sanitare dhe higjenës.
Për këtë qëllim, sipërmarrjet duhet të komunikojnë në adresën elektronike: [email protected]
Gjithsesi, ajo që duhet evidentuar është se në këtë rast kemi të bëjmë me një draft paraprak që është në proces diskutimi dhe nëse do të lehtësohen masat nga ana e strukturave shtetërore, atëhere do të ketë edhe një variant zyrtar të rregullave që do t’u komunikohen sipërmarrjeve turistike.
Lexo edhe:
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.