Turizmi, ANSA: Shqipëria, destinacioni i preferuar për italianët

Shqipëria tashmë po bëhet destinacion turistik i preferuar për turistët nga e gjithë bota. Agjencia italiane e lajmeve “ANSA.it” shkruan sot se edhe për italianët, Shqipëria po bëhet mjaft tërheqëse.

E listuar si një nga 10 destinacionet e vitit 2016 nga Rough Guides, Shqipëria figuron edhe në katalogët e verës nga Grupi Alpitour, ku sugjerohet Vlora, Saranda dhe ture historike.

Në një postim në rrjetin social Facebook për artikullin, ka reaguar ministria e Zhvillimit Ekonomik, Milva Ekonomi ku ndër të tjera shkruan se: “Në 2016 patëm një bum turistësh, 15% më shumë se në 2015. Të ardhurat nga turizmi u llogaritën në 1.5 mld euro, ndërsa pesha që zë sektori në PPB është 7%. Sivjet shpresojmë që ky fluks të jetë edhe më i madh, por mbi të gjitha të ofrojmë shërbime më cilësore, që turistët të kthehen përsëri”, shkruan Ekonomi.

Për më shumë lexoni artikullin këtu. 

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.