Turizmi dhe energjia po “ndalin” ekonominë – Raporti i KE: Ku duhet të ndërhyjë qeveria shqiptare
Turizmi dhe energjia janë dy sektorët që po japim ndikime jo pozitive në zhvillimin e ekonomisë në Shqipëri. Në raportin e publikuar së fundmi, Komisioni Evropian, vëren me shqetësim se sektori turistik po zhvillohet nën potencial për shkak të neglizhencës. “Sektori i turizmit në Shqipëri ka një potencial të madh, por është i pazhvilluar.
Një strategji gjithëpërfshirëse e turizmit është hartuar, por ka pasur vonesa të mëdha në miratimin e saj, e cila rrezikon zhvillimin e qëndrueshëm të këtij sektori, pavarësish potencialit të rëndësishëm për të kontribuar në zhvillimin ekonomik dhe për të ofruar rritja konkurruese të eksportit. Ekziston nevoja për të zhvilluar arsimin profesional përkatës dhe Trajnime në fushën e turizmit”, shkruhet në raport. Po ashtu, KE është ndalur tek sektori i energjisë ku thekson se konkurrenca e Shqipërisë vazhdon të pengohet nga mungesa e efikasitetit në këtë sektor, duke përfshirë sigurimin e pamjaftueshëm të furnizimit.
“Varësia nga hidrocentralet për prodhimin e energjisë elektrike (98%) e bëjnë ekonominë të prekshme nga ndryshimet klimatike dhe kushtet hidrologjike. Përveç kësaj, Shqipëria është një importues neto i energji elektrike që kontribuon konsiderueshëm në çekuilibrat tregtare”, thuhet në raport. Komisioni Europian sugjeron se investime në energji mund të kontribuojnë në mënyrë efiçente në uljen e këtyre dobësive. Ndërsa kërkohet gjithashtu zbatimi i legjislacionit Shqipëria për liberalizimin e tregut të të gazit dhe energjisë elektrike, në linjë me paketën e tretë të energjisë të BE-së.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.