Turizmi ndërkombëtar në rritje – Tejkalon parashikimet për 2020
Viti i kaluar ishte shumë i mbarë për turizmin ndërkombëtar, sipas një raporti të ri nga Organizata Botërore e Turizmit të Kombeve të Bashkuara (UNWTO). Në vitin 2018 kishte 1.4 miliardë ardhje turistike ndërkombëtare, shifër që UNWTO nuk priste që turizmi global të arrinte deri në vitin 2020.
“Rritja e turizmit në vitet e fundit konfirmon se sektori është sot një nga drejtuesit më të fuqishëm të rritjes ekonomike dhe zhvillimit”- tha në një deklaratë sekretari i përgjithshëm i UNWTO, Zurab Pololikashvili.
Një parashikim afatgjatë nga UNWTO në vitin 2010 parashikoi 1.4 miliardë ardhje ndërkombëtare deri në vitin 2020. Arritja e objektivit dy vite përpara parashikimit është pjesërisht për shkak të rritjes më të fortë ekonomike, lehtësimit më të madh të vizave dhe udhëtimit ajror më të përballueshëm, thotë raporti. Turizmi në Lindjen e Mesme dhe Afrikë u rrit mbi mesataren botërore prej 6%, vit pas viti, me një rritje prej 10% në Lindjen e Mesme dhe një rritje prej 7% në Afrikë. Azia, Paqësori dhe Europa u rritën me 6%.
Amerika pa një rritje me 3% nën mesataren botërore. Në Amerikë, të ardhurit ndërkombëtarë në Amerikën Qendrore dhe në Karaibe të dyja ranë me 2%. Parashikimi i UNWTO për turizmin ndërkombëtar në vitin 2019 pritet të jetë më shumë në linjë me trendet e rritjes historike prej 3-4%.
Pasiguria e Brexit, ngadalësimi ekonomik dhe tensionet gjeopolitike dhe tregtare e tensionojnë disi situatën megjithatë çmimet e karburantit të qëndrueshëm, lidhja e përmirësuar ajrore dhe udhëtimet nga vendet në zhvillim, konsiderohen të gjitha tregues pozitivë për vitin 2019.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.