Turizmi shëndetësor pritet të gjenerojë 10 mld dollarë në 5 vitet e ardhshme

Turqia ka arritur një moment të konsiderueshëm në turizmin e kujdesit shëndetësor gjatë dekadës së fundit, duke ofruar një gamë të gjerë shërbimesh dhe duke gjeneruar të ardhura. Ministri i Shëndetësisë Fahrettin Koca, duke iu referuar përmirësimit në sektor, theksoi se turizmi i kujdesit shëndetësor ka një vend të rëndësishëm në strategjitë shëndetësore të Turqisë dhe se studime të rëndësishme janë kryer në këtë drejtim.

“Të ardhurat tona në turizmin shëndetësor nuk kanë arritur 1.5 miliardë dollarë në vit, ne synojmë të rrisim më tej të ardhurat tona shëndetësore duke demonstruar plotësisht kapacitetin tonë, besoj se do të arrijmë 10 miliardë dollarë të ardhura gjatë pesë viteve të ardhshme,” tha ai.

Duke thënë se Azerbajxhani, Iraku, Gjeorgjia, Gjermania dhe Rusia preferojnë Turqinë për turizëm shëndetësor, Koca vuri në dukje se turistët e shëndetit po vijnë jo vetëm nga vendet fqinje, por edhe nga rajonet e largëta me nivele më të larta të të ardhurave.

Koca tha se pamja aktuale është arritur përmes përpjekjeve individuale të spitaleve të caktuara private, ndërkohë që mbështetja qeveritare ka mbetur e kufizuar.

“Ne duam të bëjmë turizëm shëndetësor një politikë shtetërore. Duhet të zhvillojmë modele të ndryshme nxitjeje që do të motivojnë sektorin tonë shëndetësor publik dhe privat dhe ne duhet prezantojmë këtë potencial në botë. Për këtë, ne kemi nevojë për promovimin dhe standardizimin e institucioneve tona”.

Koca shtoi se ka një strukturë për ta bërë këtë, Shoqëria aksionare e Shërbimeve Ndërkombëtare Shëndetësore (USHAŞ), është themeluar për të garantuar pacientët e huaj dhe për të lehtësuar turizmin shëndetësor.

“Shkurtimisht, sektori ynë shëndetësor do të promovohet nga shteti, nën kujdesin dhe garancinë e shtetit, turizmin shëndetësor do të arrijë nivelin e dëshiruar.”

Ndërkohë, të ardhurat nga turizmi i kujdesit shëndetësor gjatë pesë viteve të fundit arritën 4.4 miliardë dollarë, ndërsa 1.8 milionë njerëz vizituan vendin për qëllime shëndetësore në periudhën 2013-2017.

Të dhënat e publikuara nga Instituti Statistikor Turk (TurkStat) tregojnë se 433.292 njerëz erdhën në Turqi vitin e kaluar për turizëm shëndetësor, një rritje 62 për qind krahasuar me 2013 kur vendi priti 267.461 vizitorë për turizëm shëndetësor.

Në gjysmën e parë të vitit, 274,062 turistë vizituan Turqinë për qëllime mjekësore, sipas të dhënave të TurkStat, ndërsa të ardhurat nga ky turizëm arritën 590.1 milionë dollarë.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.