Turizmi shëndetësor  – Turqia synon të bëhet “Nr.2 në botë”, duke tërhequr 1.5 mln vizitorë në vit

“Turqia synon të tërheqë 1.5 milion vizitorë nëpërmjet turizmit shëndetësor dhe një milion vizitorë të turizmit termik (llixha) në vit për t’u bërë numri dy në botë në sektorin e turizmit shëndetësor deri në vitin 2023”, tha ministri i shëndetësisë Ahmet Demirçan.

“Ne do të bëhemi qendra e turizmit shëndetësor për Europën, Lindjen e Mesme, Afrikën, Azinë Qendrore dhe Rusinë. Shëndeti do të jetë një sektor lokomotivë për “Turqinë e Re”. Ne kemi disa avantazhe dhe mundësi të rëndësishme … Në vitin 2016 i shërbyem 359,000 pacientë në institucionet tona publike, universitare dhe private. Në gjysmën e parë të vitit 2017, numri ishte 183,000. Në kushtet e potencialit gjeotermik, ne jemi në vend të shtatë në rang global. Objektivi ynë për vitin 2023 është të bëhet numri dy “, shtoi ai.

Demirçan gjithashtu tha se Turqia aktualisht po punon si këshilltar dhe edukues në 23 vende për zhvillimin e sistemeve të tyre shëndetësore dhe ata synojnë ta rrisin këtë numër në 35.

Sa i përket përpjekjeve promovuese, ministri i shëndetësisë tha “Turkish Airlines” do të shpërndajë broshura mbi këtë temë, ndërsa Ministria e Turizmit dhe ambasadat turke jashtë vendit do të punojnë për të promovuar vendin si një qendër turizmi shëndetësor.

Demirçan dhe Ministri i Kulturës Numan Kurtulmuş, të mërkurën, nënshkruan një protokoll bashkëpunimi për të promovuar Turqinë si një qendër shëndetësore jashtë vendit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.