Turqia ndërton tenda për rreth 2000 njerëz që mbetën të pastrehë nga tërmeti/ Dhjetra viktima dhe banesa të shkatërruara deri më tani
Një tërmet i fuqishëm ka goditur brigjet e Egjeut të Turqisë dhe në veri të ishullit grek të Samos, duke shkatërruar shumë shtëpi, së paku 20 pallate dhe duke shënuar deri më tani të paktën 22 viktima.
Lëkundja me madhësi 7.0 u përqendrua në provincën Izmir të Turqisë, sipas Shërbimit Gjeologjik të Shteteve të Bashkuara të Amerikës. Ndërkaq, pas lëkundjes një mini-cunami i krijuar, përmbyti Izmirin dhe Samosin.
Autoritetet në Izmir, kryeqyteti i provincës ku ra tërmeti, janë duke marrë masat e para, duke ngritur një zonë tendë për të strehuar rreth 2,000 njerëz, mes frikës se më shumë ndërtesa mund të shemben. Ndër të tjera, autoritetet deklaruan se 70 njerëz ishin shpëtuar nga poshtë rrënojave. Presidenti turk Rexhep Tajip Erdogan tha se qeveria do të ndihmojë të prekurit nga tërmeti “me të gjitha mjetet në dispozicion të shtetit tonë”.
Turqia dhe Greqia janë zona tepër sizmiologjike dhe tërmetet janë të zakonshme.
Elefteria Zguri/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.