Turqia padit SHBA – Rritja e tarifave të aluminit dhe çelikut, dorëzon dosjen në OBT
Turqia ka paraqitur një padi ndaj Washingtonit në Organizatën Botërore të Tregtisë në lidhje me çështjen e tarifave shtesë ndaj importit të çelikut dhe aluminit, duke kërkuar një seancë dëgjimore. Ankaraja zyrtare pretendon se, veprimet e Shtëpisë së Bardhë nuk janë në pajtueshmëri me një sërë rregullash të përbashkëta të Organizatës Botërore të Tregtisë, si dhe me marrëveshjen e përgjithshme të tarifave të firmosur në 1994.
Sipas rregullores, Turqia dhe Shtetet e Bashkuara të Amerikës janë të detyruara të arrijnë një marrëveshje 60 ditë nga dorëzimi i ankimimit, në të kundërt çështja do t`i kalojë departamentit të posaçëm të Organizatës kur ka përplasje të tilla. Shtetet e Bashkuara të Amerikës vendosën tarifa mbi importet turke të çelikut dhe aluminit si pasojë e burgosjes së pastorit amerikan Andreë Brunson i cili u akuzua për spinuazh në Turqi.
Për këtë arsye, Presidenti Trump urdhëroi rritjen e tarifave mbi çelikun dhe aluminin, në 50 dhe 20% respektivisht, pra dyfishim. Turqia u kundërpërgjigj duke rritur tarifat mbi alkoolin me 140%, mbi makinat me 120%, duhanin me 60% dhe orizin me 50%.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.