Turqia synon rritje investimesh, Ambasadori Yörük: Do arrijmë vlera dyshifrore dhe 50 mijë të punësuar

Turqia synon të zgjerojë investimet në vendin tonë duke vënë si target vitin 2023, që investimet të arrijnë vlera dyshifrore dhe numri i punonjësve shqiptarë të punësuar në kompanitë turke të arrijë në 50 mijë.

Gjatë konferencës shkencore me temë “Marrëdhëniet shqiptaro-turke”, Ambasadori turk në Shqipëri, tha se bashkëpunimi ekonomik midis dy vendeve është në nivele shumë të mira, por ka ende potencial të lartë për zgjerim dhe rritje të volumit tregtar.

Aktualisht investimet turke në vendin tonë arrijnë në vlerën e 2.7 miliardë lekë, ndërsa volumi i shkëmbimeve tregtare gjatë vitit 2017 ka arritur 470 milion dollarë.

Në konferencën e organizuar nga Fondacioni Alsar u vu theksi edhe tek marrëdhëniet e mira ndër vite mes dy vendeve, në fusha të ndryshme.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.