Turqia zbut retorikën me Greqinë. Ministri Jashtëm, Çavusoglu: “Gati të pranojmë negociata në Tiranë”
Ministri i Jashtëm i Turqisë, Mevlüt Çavuşoğlu, ka ftuar Greqinë për mbledhjen e parë të bisedimeve hulumtuese brenda muajit janar, për të zgjidhur mosmarrëveshjet që kanë të dyja vendet, raporton Anadolu Agency . Cavuşoğlu zhvilloi një konferencë të përbashkët për media pas takimit me homologun e tij nga Republika Turke e Qipros Veriore Tahsin Ertuğruloğlu. Duke komentuar edhe bisedimet mes Turqisë dhe Greqisë, Çavuşoğlu tha se deri më sot janë zhvilluar 60 bisedime dhe kanë dalë në pah mbi 5.000 faqe dokumente. “Ftojmë Greqinë për mbledhjen e parë të bisedimeve hulumtuese brenda muajit janar”, tha ai.
Çavuşoğlu gjithashtu komentoi edhe ftesën e kryeministrit të Shqipërisë, Edi Rama, për të organizuar një takim me kryediplomatin grek Nikos Dendias në Tiranë. Ai tha se në këtë periudhë Dendias ka hyrë në karantinë. “Pas këtij takimi të parë, jam i gatshëm të takoj Dendias duke shkuar në Tiranë me ftesën e Ramës. Kjo është një ftesë, shpresoj që Greqia nuk e refuzon këtë mundësi, këtë ftesë dhe së shpejti fillojnë bisedimet hulumtuese”, tha ai. Ndërkohë në media ka reaguar edhe zëdhënësi për shtyp i ministrisë së jashtme greke, i cili theksoj se nuk ka asnjë ftesë zyrtare nga pala turke, por nëse do të ketë do I thonë po, pa asnjë lloj hezitimi. Pak ditë më parë ishte kryeministri Edi Rama që zhvilloj një vizitë në Turqi dhe më tej në Greqi, duke u takuar me zyrtarët vendas.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.