TVSH-ja e turizmit – Ulja në 6%, miratohet në Komisionin e Ekonomisë

Ulja e TVSH për njësitë akomoduese  nga 20 % në 6 % do të  bëjë që ky sektor të  shihet më prioritet dhe të rrisë investimet.

Duke e prezantuar në Komisionin parlamentar të Ekonomisë, Ministri i Financave, Arben Ahmetaj, u shpreh se kjo nismë e qeverisë, synon që  krahas përmirësimit të shërbimit të rrisë dhe imazhin e Shqipërisë, duke e përfshirë në paketat rajonale.

Vitet e fundit sektori i turizmit ka pasur një vëmendje të veçantë nga ana e qeverisë shqiptare, si një nga sektorët prioritarë në zhvillimin ekonomik të  vendit. Sipas statistikave të Shoqatës së Hotelierëve, nga ky vendim do të përfitojnë 3900 njësi akomodimi, ku përfshihen hotele, motele dhe shtëpi akomoduese.

Aktualisht në gjithë vendin funksionon një kapacitet prej 60 mijë shtretër.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.