Twitter zëvendëson vezën ikonike me një figurë njeriu

Twitter ndërroi vezën ikonike e cila përdorej në profilet e reja të sapohapura me një opsion më gjenerik.

Ditën e Premte Twitter prezantoi një foto të re profili automatike ku element kryesor është njeriu. Twitter shpreson se ky ndryshim do të inkurajojë përdoruesit të zëvendësojnë foton me një foto të tyre reale.

Veza ka qenë foto e profileve të Twitter për plot 7 vite dhe vitet e fundit mori një dimension tjetër.

Botët, mashtruesit e shumë të tjerë që duan të ruajnë anonimitetin e tyre në platformën veza është shndërruar në një sinjal identifikues të këtyre përdoruesve, raporton PCW.

Adoptimi i kësaj fotoje profili gjerësisht nga të këqijtë ka dëmtuar indirekt përdoruesit e Twitter që duan të ngelen anonimë. Fotoja e re është një siluetë njeriu.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.