Uber regjistron më shumë se 5 miliardë dollarë humbje në tremujorin e fundit

Uber ka publikuar të ardhurat për herë të dytë që kur u bë një kompani publike, duke raportuar të ardhura prej 3.16 miliardë dollarë përballë një humbjeje prej 5.2 miliardë dollarësh për tremujorin e dytë të 2019-ës. Uber e mbylli me një rritje prej 9% bursën ditën e enjte, konkretisht me 42.98 $ për aksion, pak më poshtë çmimit të IPO-së së saj me 45 $, por më pas regjistroi një rënie drastike me 11%.

Humbja prej 5.2 miliardë dollarësh neto përfaqëson humbjen më të madhe tremujore të kompanisë. Të ardhurat, nga ana tjetër, janë rritur vetëm 14% nga viti në vit, duke ndezur shqetësimet për një rritje më të ngadaltë se kurrë. Kompania thotë se shumica e humbjeve 2Q janë një rezultat i shpenzimeve të kompensimit të bazuara në aksione për punonjësit pas IPO-s së saj të majit. Përveç kompensimit të aksioneve, Uber humbi sidoqoftë 1.3 miliardë dollarë, duke u rritur 30% nga TM1 (Tremujori i pare).

“Ndërsa do të vazhdojmë të investojmë në mënyrë agresive për rritje, ne gjithashtu dëshirojmë që kjo të jetë një rritje e shëndetshme, dhe këtë tremujor kemi bërë një përparim të mirë në këtë drejtim,” tha shefi zyrtar financiar Uber Nelson Chai në dokumentin e fitimeve. Uber, në një përpjekje për të zvogëluar kostot dhe për t’i bërë operacionet më efikase, kohët e fundit njoftoi se do të shkurtonte një të tretën e departamentit të marketingut prej 1.200 personash.

Sa për Uber Eats, kompania thotë se “konsumatorët e saj mujorë të platformës aktive”, ose MAPC, u rritën 140% në vit. Kompania tani punon me 320,000 restorante. Sa i përket të ardhurave, ato janë rritur 72%, në 595 milion dollarë. (TechCrunch)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.