Udhëtimet gjatë Vitit të Ri – Shqiptarët zgjedhin vendet e Ballkanit si Kolashini, Mavrova, Brezovica
Vendet e Ballkanit ngelen më të preferuarat për udhëtime gjatë festave të fundvitit. Shumë prej shqiptarëve të cilët kanë vendosur ti kalojnë ditët e fundit të vitit 2018 jashtë vendit, kanë zgjedhur vendet me dëborë për të shfrytëzuar më shumë resortet e skive në vende si Kolashin, Mavrovë, Brezovicë.
Sipas agjencive turistike, këtë vit nuk kanë munguar as preferencat për vendet e Evropës kryesisht në ato vende ku organizohen Christmas Market, si në Paris, Bruksel, Pragë, Budapest, Vjenë etj.
Por pavarësisht ofertave të cilat bëjnë agjencitë gjatë kësaj periudhe, biletat e udhëtimit me avion ngelen sërish të shtrenjta, gjë e cila ka ndikuar edhe në përzgjedhjen e udhëtimeve autobus nga shumë qytetarë.
Ndërsa për turistët e huaj që vijnë në Shqipëri, ndryshe nga vitit i kaluar këtë vit ka një rritje të ndjeshme kryesisht ata zgjedhin të qëndrojnë në Tiranë dhe Durrës duke bërë udhëtime dhe vizita në pikat kryesore të vendit tonë si në Berat, Gjirokastër dhe Shkodër.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.