Udhëtimet në fundvit, Autoriteti i Aviacionit Civil këshilla për pasagjerët: Ja ku duhet të drejtoheni për vonesat në linjat ajrore
Autoriteti i Aviacionit Civil këshillon të gjithë pasagjerët që udhëtojnë drejt dhe nga Aeroporti Ndërkombëtar “Nënë Tereza”, se duke konsideruar periudhën e festave të fundvitit, transporti ajror në përgjithësi është i ngarkuar dhe kërkon vëmendje të shtuar nga të gjithë pasagjerët, me qëllim evitimin e vonesave dhe garantimin e një fluturimi të qetë dhe të sigurt.
Për këtë, Autoriteti i Aviacionit Civil ka dhënë disa këshilla për pasagjerët:
-Të mbërrini në aeroportet përkatëse, minimalisht 2 orë para fluturimit;
-Të keni të qartë bagazhet që do të chekoni dhe ato që do të mbani në dorë, me qëllim evitimin e radhëve të gjata në procesin e check-in.
-Të garantoni rregullsinë e bagazheve të dorës, sa i përket peshës dhe përmbajtjes së lëngjeve, me qëllim evitimin e radhëve të gjata tek skanerat e sigurisë.
-Rregullsinë e dokumentacionit të udhëtimit, pasaportë/biletë udhëtimi/dok. të tjerë të nevojshëm, me qëllim evitimin e radhëve të pritjes në kalimin kufitar.
Kini parasysh gjithë hapat e mësipërm për të mos hasur në vështirësi dhe vonesa të panevojshme.
“Autoriteti i Aviacionit Civil ju rikujton edhe njëherë se për çdo problematikë që lidhet me vonesat e mundshme të linjave ajrore, ti referoheni të drejtave tuaja sipas legjislacionit vendas dhe Evropian në linkun: http://www.aac.gov.al/te-drejtat-e-pasagjerit/”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.