Udhëtimet për festat – Rexha: Kërkesat më të larta se në 2017-ën. Shqiptarët preferuan rajonin

Mali i Zi, Stambolli dhe  Maqedonia  kanë qenë destinacionet kryesore   që shqiptarët  kanë zgjedhur për të kaluar festat e nëntorit.  Agjencitë turistike tregojnë së ky është viti me lëvizjet më të mëdha të shqiptarëve jashtë vendit për festat e 28 dhe 29 nëntorit ndërkohë që e kundërta ka ndodhur me ata që jetojnë  jashtë. Ndërsa për biletat ata shprehen se ka pasur një rritje të lehtë sikurse ndodh çdo vit në këtë periudhë.

Sipas menaxheres së një prej agjencive,  Amela Rexha  kryesisht  shqiptarët  kanë preferuar gjatë kësaj periudhe turizmin kulturor.

Policia kufitare  e Rinasit  për arsye të rritjes së fluksit të hyrjeve dhe daljeve të udhëtarëve gjatë festave, pritet të shtojë  masat për  ofrimi i një shërbimi cilësor por  edhe për të parandaluar dhe goditur paligjshme. Vetëm gjatë muajit nëntor në këtë pikë kanë hyrë dhe kanë dalë  mbi 203 mijë shtetas.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.