Udhëtimi i së ardhmes: Transporti masiv në vagonë magnetik me shpejtësi deri në 1200 km/orë (FOTOT)

Në shkretëtirën në veri të Las Vegasit, një tub i gjatë metali i bardhë ulet në bazën e maleve, duke premtuar që një ditë të revolucionarizojë udhëtimin.

Kjo është ajo ku Virgin Hyperloop, partnerët e të cilit përfshijnë Virgin Group të Richard Branson, po zhvillon teknologjinë për vagonat e pasagjerëve që do të lëvizin me shpejtësi deri në 1.200 km /orë përmes tuneleve vakum pothuajse pa ajër duke përdorur ngritjen magnetike.

Materialet e bardha dhe një pasqyrë e pasme e bëjnë këtë mjet futurist të duket më i madh dhe më “tërheqës” për përdoruesit e rinj. Vagonët do të mund të mbajnë 28 pasagjerë dhe mund të adaptohen për distanca të gjata dhe të shkurtra, dhe për mallra.

Ndërsa është akoma në një fazë të hershme, zvhvilluesit e kompoanisë parashikojnë operacione tregtare qysh në vitin 2027. Mund të jetë forma e parë e transportit në 100 vjet që revolucionarizon udhëtimet, ashtu si makinat, trenat dhe avionët, thonë shpikësit.

Ky mjet do të shfaqet në ekspozitën “FUTURES” të Muzeut të Arteve dhe Industrive Historike Smithsonian në Uashington në fund të verës 2021. (Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.