Ujësjellësit s’paguajnë energjinë, Sevrani: Likuidimi në masën 60%, po gjejmë zgjidhje për shlyerjen e borxheve
Pavarësisht reformës në sektorin e ujit, ujësjellësit vazhdojnë të shfaqin vështirësi të shlyerjen e faturave të energjisë elektrike.
Drejtori i Divizionit të Shitjes dhe Tregtimit, pranë Operatorit të Shpërndarjes së Energjisë Elektrike, Elton Sevrani thotë se likuidimi i detyrimeve arrin në masën 60%.
Sa i takon institucioneve buxhetore, situata paraqitet më rozë, duke qenë se likuidimi i faturave të energjisë elektrike arrin më masën 80%.
Ndërkaq, sipas Sevranit, aktualisht po punohet për gjetjen e një formule afatgjatë për shlyerjen e detyrimeve, kryesisht nga ujësjellësit dhe bashkitë.
Gjetja e një zgjidhjeje për detyrimet e papaguara ndërmjet subjekteve të ndryshme shtetërore është parashikuar edhe në Planin Strategjik për Reformimin e Sektorit të Energjisë Eklektike për 2 vitet e ardhshëm, që u miratua nga Këshilli i Ministrave në dhjetor të vitit 2018.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.