Ulen fondet për burimet natyrore – Plani afatmesëm/ Inkurajim për të shtuar përpunimin e më shumë transparencë në të ardhura
Mbështetja buxhetore për programin e burimeve natyrore do të pësojë ulje përgjatë 2 viteve të ardhshëm. Sipas programit buxhetor afatmesëm, të publikuar në Fletoren Zyrtare, për vitin 2021 buxheti i akorduar për këtë zë është 282 mln lekë, ndërkohë që për vitin 2022 shpenzimet buxhetore parashikohet të pësojnë një ulje, duke arritur në 256.8 mln lekë.
Për vitin 2023 parashikohet që për këtë program të akordohen 277.2 mln lekë, ndërkohë që vetëm për 2024-ën parashikohet një rritje e shpenzime me rreth 1.5 mln lekë në karahsim me vitin 2021, duke arritur në masën 283.5 mln lekë. Ndërkaq, sa i takon treguesve kyç të performanës, në drejtim të burimeve natyrore Ministria e Infrastrukturës dhe Energjisë parashikon që me këto shpeznime të nxitet dhe inkurajohet ndërtimi i objekteve të përpunimit të mineraleve, si dhe të rritet transparenca në drejtim të shfrytëzimit racional të tyre.
Gjithashtu, parashikohet rrija e lejeve minerare aktive, në të cilat zhvillohet aktivitet minerar sipas standardeve si dhe mbikëqyrja e shfrytëzimit racional dhe efektiv të pasurive minerale, monitorimit minerar dhe të fenomeneve të postshfrytëzimit. Këtu përfshihet rritja e kontrollit për rehabilitimin minerar, që është një detyrim për subjektet që kryejnë aktivitet minerar. Paralelisht, në programin buxhetor afatmesëm 2022-2024 parashikohet përmirësimi i transparencës së biznesit në industrinë nxjerrëse, në mënyrë që të ardhurat nga ky biznes të kontribuojnë më shumë në zhvillimin e vendit. Këtu përfshihet, ndër të tjera të ardhurat nga renta minerare , që sipas Agjencisë Kombëtare të Burimeve Natyrore për vitin 2020 arritën në 732 mln lekë apo 7.17 mln USD
GRAFIK
SHPENZIMET BUXHETORË PËR BURIMET NATYRORE
2021 282 MLN LEKË
2022 256.8 MLN LEKË
2023 277.2 MLN LEKË
2024 283.5 MLN LEKË
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.