Ulen humbjet e energjisë në rrjet/USAID mbështet OSHEE-në, Çela: Objektivi, të arrijë në 10%
23.6% është niveli i humbjeve në rrjetin e shpërndarjes së energjisë elektrike për 11-mujorin, ndërkohë që sipas administratorit të OSHEE, Adrian Çela objektivi për 10-vjeçarin është që ai të ulet në nivelin 10%.
Deklaratat e Çelës u bënë gjatë nënshkrimit të një marrëveshjeje bashkëpunimi me USAID në bazë të së cilës do të ofrohet asistencë teknike për përmirësimin e performancës dhe veprimtarisë së OSHEE-së, me fokus Drejtorinë Rajonale Shkodër.
Rritja e eficencës menaxheriale të strukturave në terren, përmirësimi i leximit dhe faturimit, rritja e qëndrueshmërisë së të ardhurave, përmirësimi i proceseve në terren janë disa nga fushat ku do të ofrohet asistenca teknike për një periudhë 1-vjeçare.
Ndërkaq, përfaqësuesja e USAID PËR Shqipërinë vlerësoi reformat e ndërmarr nga qeveria në sektorin elektroenergjetik, ku sipas saj, një nga treguesit e rritjes së performancës së kompanisë është pikërisht dhe ulja e nivelit të humbjeve në rrjet.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.