Ulet eksporti i drithërave nga BE – “Rusia ka rezistuar më mirë sesa pritej përballë sanksioneve perëndimore”!

“Ekipi për strategjinë dhe konsultimin” rreth drithërave ka ulur pritshmëritë për eksportet nga Bashkimi Europian në periudhën 2021/2022, duke thënë se Rusia kanë rezistuar më mirë nga sa pritej përballë sanksioneve perëndimore si pasojë e pushtimit të Ukrainës.

Firma franceze parashikon se eksportet e BE-së për drithërat e buta këtë sezon – i cili përfundon në muajin qershor – do të ndalojë në 29.9 milion ton. 4.8% ose 1.5 milion ton më pak se parashikimet e kryera në muajin prill.

Pushtimi i Moskës i një prej vendeve kryesore për eksportimin e drithërave, bllokoi anijet ukrainase dhe shkaktoi sanksionet financiare perëndimore që rritën dhe më shumë pasigurinë rreth kapaciteteve të Rusisë për të eksportuar grurë.

Gjithsesi të dhënat e deritanishme tregojnë se anijet ruse parashikohet që të përmbushin kuotat e vendosura nga Moska për pjesën e fundit të sezonit. Reduktimi i eksportit të Bashkimit Europian do të lejojë bllokun e vendeve anëtare të dëshmojë rezervat e tij të drithërave të buta.

Parashikimet për sezonin e ardhshëm kanë pritshmëri më të lartë, duke paralajmëruar një eksport deri në 30.8 milion ton nga 30.3 milion ton të së njëjtës periudhë një vit më parë. Por konkurrenca e Rusisë po kufizon potencialin e Bashkimit Europian për të furnizuar tregun botëror i cili po përballet me një humbje të vazhdueshme të eksporteve ukrainase.

Bashkimi europian gjithashtu pritet të tregojë një rritje të grumbullimit  të drithërave në fund të 2022/2023, pavarësisht se korrjet do të jenë më të reduktuara, me cmime më të shtrenjta si pasojë e luftës së Ukrainës që ka shkaktuar dhe uljen e kërkesës.

Parashikimet për BE reduktohen gjithashtu dhe për prodhimin në periudhën 2022/2023 në 126.2 milion ton nga 126.7 milion ton muajin e fundit. Ndërsa në periudhën 2021/2022 prodhimi ishte 130.3 milion ton.

Rishikimi pasqyroi një vlerësim për reduktimin e sipërfaqes së të korrave, por “Strategie Grains” paralajmëroi se thatësirë në Europë, përbëjnë gjithashtu një kërcënim për potencialin e rendimentit.

Parashikimet janë të ulëta dhe për prodhimin e elbit në BE-së në periudhën 2022/23 me 200 mijë ton, si dhe për prodhimin e parashikuar të misrit në BE-së me 400 mijë ton.

Furnizimi me misër i BE-së sezonin e ardhshëm pritej të ishte shumë më i reduktuar se sa për grurin dhe elbin, duke pasur parasysh se Ukraina është një nga furnizuesit kryesor në tregtinë globale të misrit dhe rreziqet e motit që rrezikojnë të korrat në SHBA dhe Brazil.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.