Ulet në 6 numri i të infektuarve – Asnjë humbje jete nga Covid për më shumë se 10 ditësh
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 224 testime ku 6 prej tyre kanë rezultuar pozitiv, duke e çuar në 856 numrin total të të infektuarve në të gjithë vendin.
Numri i rasteve të reja janë përkatësisht: 3 raste në Tirane dhe 3 raste ne Kruje
Gjatë 24 orëve të fundit janë shëruar 7 pacientë ndërsa në dy spitalet Covid janë të shtruar 29 pacient ku 4 prej tyre janë në terapi intensive.
Ministria e Shëndetësisë ka njoftuar se 627 pacient janë të shëruar ndërsa ka akoma 198 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.