Ulet niveli i taksës për importuesit dhe prodhuesit vendas të plastikës! Rimbursim produkteve që eksportohen. Efekti 200-225 mln në vit

Është zyrtarizuar në Kuvend nisma për uljen e taksës për lëndët e para që importohen për prodhimin e artikujve plastikë.

Referuar draftit që ndodhet në Kuvend, taksa mbi Iëndët e para primare, të cilat importohen për prodhimin e artikujve të plastikës në vend ulet nga 25 lekë/kg në 10 lekë/kg. Nga ana tjetër, nisma parashikon rimbursimin e çdo artikulli plastik që eksportohet dhe që përdoret në procese teknologjike për prodhimin e mallrave jo plastike.

Ulja e nivelit të taksës llogaritet të ketë një efekt rreth 200 deri 225 milionë lekë në vit. Referuar relacionit të nismës, aplikimi i këtyre ndryshimeve parashikohet të bëhet duke nisur nga mesi i këtij viti.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.