Ulet numri i të infektuarve – Covid-19, bien për të 11-tën ditë me radhë, rastet e reja jashtë Hubeit
Kina konfirmon 2641 raste të reja të infektimit me Covid-19, dhe 143 vdekje, por të dhëna të tjera tregojnë se numri i infektimeve jashtë provincës së Hubeit është regjistruar në rënie për të 11-tën ditë me radhë, çka sinjalizon se karantina po jep efektin e dëshiruar.
Këto të dhëna i bëri me dije zyrtarisht vetë komisioni kombëtar i shëndetit. Janë në total 221 raste të reja të infektimit me COVID-19 jashtë provincës nga ku ka origjinën virusi, nga 2641 raste të reja gjithsej.
Më 3 shkurt rastet e reja jashtë provincës ishin në rreth 900 në ditë, ndërkohë që sot duket se kjo shifër ka rënë me më shumë se 3 herë, për 11 ditë me radhë. total i rasteve të reja ka hyrë në një trend rënës, duke filluar prej datës 1 shkurt.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.