Ulja e tarifave të studimit – Kule: Në dorë të qeverisë, është premtuar subvencionimi

Reduktimi i tarifave të studimit për vitin akademik 2019-2020 është në dorë të qeverisë”. Dekani i Fakultetit të Ekonomisë, pranë Universitetit të Tiranës Dhori Kule ka shpjeguar vendimin e Senatit që përcakton tarifa të plota studimi, teksa Ministria e Arsimit dhe Sportit ka premtuar subvencionim për studentët me notë mesatare 9-10 dhe kategoritë në nevojë.

Dekanët e 4 fakulteteve thanë se këtë vit maturantët që kanë zgjedhur  Universitetin e Tiranës kanë mesatare të larta.

Të martën ky universitet shpalli dhe listën me aplikantët sipas secilit fakultet, ndërkohë që deri në datën 30 gusht maturantët duhet të verifikojnë të dhënat për çdo pasaktësi. Raudi i parë i regjistrimeve fillon në datën 2 shtator, ndërkohë që dekanët kërkuan nga maturantët të tregohen të kujdesshëm, pasi lista e fituesve është në përditësim të vazhdueshëm.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.