Ulja e TVSH, Topuzi: Do të ndikojë në uljen e informalitetit në turizëm

Ulja e Tatimit mbi Vlerën e Shtuar në njësitë akomoduese tashmë është efektiv.  Zak Topuzit, President i Shoqatës së Hotelierëve, u shpreh në një prononcim për TV SCAN, se  të gjitha  bizneset e këtij sektori në deklarimin e TVSH për këtë muaj janë bërë me nivelin e ri prej 6 për qind. Sipas tij, kjo do të ndikojë në formalizimin e këtij sektori.

Por mbyllja e kontratave dhe prenotimeve më herët, sipas Topuzit, do të bëjë që ulja të mos ndjehet të çmimet e akomodimit.

Sipas statistikave të kësaj shoqate,  aktualisht nga strukturat hoteliere  në buxhetin e shtetit mblidhet 2 milion euro TVSH, ndërkohë që me nivelin e ri synohet dyfishimi, i efekt i formalizimit të tij.

 Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.