Unaza e Madhe – ARRSH apel banorëve: Paraqituni pranë institucionit me dokumentet përkatëse për të marrë informacionet e nevojshme

Të gjithë banorët që preken nga segmenti rrugor “Mbikalimi Pallati me Shigjeta Unaza Shqiponja Loti 1, 2, 3” që nuk janë kontaktuar nga Autoriteti Rrugor Shqiptar, duhet të paraqiten pranë këtij institucioni për të marrë çdo informacion që i nevojitet.

Apeli vjen nga Autoriteti, sipas të cilit duhet të kenë gjithashtu me vete edhe dokumentat përkatëse.

“Autoriteti Rrugor Shqiptar i bën thirrje të gjithë banorëve të segmentit rrugor “Mbikalimi Pallati me Shigjeta Unaza Shqiponja Loti 1, 2, 3”, të cilët nuk kanë marrë ende kontakt me ARRSH-në, të paraqiten pranë institucionit të Autoritetit Rrugor Shqiptar dhe t’i drejtohen Drejtorisë së Planifikimit Strategjik dhe Operacioneve me të gjitha dokumentet përkatëse”, thuhet në njoftimin e ARRSH-së.

Drejtoria e Planifikimit Strategjik dhe Operacioneve dhe Drejtori i Përgjithshëm kanë pritur dhe kanë sqaruar rreth 60-70 % posedues të objekteve të prekura nga projekti “Rehabilitim Mbikalimi Pallati me Shigjeta Unaza Shqiponja Loti 1, 2, 3.
36 prej tyre kanë marrë përgjigje me shkresë zyrtare nga ARRSH.

Sipas ARSH-së, objektet që preken nga projekti “Rehabilitim Mbikalimi Pallati me Shigjeta Unaza Shqiponja Loti 1, 2, 3” janë 242, sipas verifikimeve paraprake të bëra nga grupet e punës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.