Unaza e madhe përfundon në tetor – ARRSH, Elezi: Hapim tunelet te “Astiri”, përfundojnë 95% e punimeve te nyja e Shqiponjës

Segmenti i Unazës së Madhe nga Pallati me Shigjeta te sheshi Shqiponja, në lotet 2 dhe 3 përfundon tërësisht brenda muajit tetor, ndërkohë që loti 1 që është nyja e Shqiponjës përfundon tërësisht në 3-mujorin e parë të vitit që vjen. Drejtori i Planifikimit Strategjik dhe Operacioneve, pranë Autoritetit Rrugor Shqiptar, Erald Elezi thotë për TV SCAN se brenda tetorit nis dhe faza e re e menaxhimit të trafikut, pasi do të hapen tunelet në lotin 2, çka sipas tij do të lehtësojnë  ndjeshëm trafikun në këtë zonë.

Ndërkaq, sa i takon nyjes së Shqiponjës aktualisht ka përfunduar 95% e punimeve, ndërkohë që Elezi bën me dije se punimet në vijim lidhen me ndërtimin e korsive të biçikletave, korsive për kalimin e këmbësorë apo gjelbërimin.

Ndërkaq, Elezi sqaron se trafiku i krijuar pas hapjes së tunelit 5 në këtë segment nuk lidhet me planin e menaxhimit të trafikut, por me fluksin e shtuar të automjeteve në këtë periudhë të vitit.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.