UniCredit në Gjermani? Flitet se po shton përgatitjet për të blerë Commerzbank
Banka më e madhe në Itali, Unicredit, po përgatitet për të blerë gjermanen Commerzbank, sipas burimeve, që shtojnë se ka gjetur edhe bankierët e investimeve për të bërë punën. Banka italiane thuhet se ka zgjedhur manaxhuesin e aktiveve Lazard dhe JPMorgan, çka rrit mundësinë e një marrëveshjeje që mund t’i japë shansin UniCredit të dalë nga tregu i vështirë i brendshëm.
Pavarësisht se është ende e paqartë nëse do të ndodhë oferta, UniCredit ka pasur prej kohësh interes që të zgjerohet në Gjermani dhe zotëron aktualisht një huadhënës të madh Gjerman në Mynih, HVB. Banka italiane, që është përqendruar në planin e vet të ristrukturimit, ka qenë në pritje të bisedimeve për shkrirje mes Commerzbank dhe bankës më të madhe në Gjermani, Deutsche Bank.
Megjithatë, bisedimet për krijimin e një “kampioni bankar gjerman”, siç e ka quajtur edhe ministri i Financave Olaf Scholz, dështuan gjatë javëve të fundit, duke e rikthyer Commerzbank në agjendën e UniCredit. Pas lajmërimit, aksionet e Commerzbank u rritën me 4.7%.
e UniCredit janë shtuar, ndërkohë që edhe banka holandeze ING, ka shprehur interes për Commerzbank. Nëse ndonjë ja del me sukses që të bëjë ofertën, do të përballet më vonë me qeverinë gjermane, që zotëron 15% të Commerzbank.
Politikanët kanë shprehur dëshirën për të mbajtur huadhënësin në duart gjermane. Një barrierë tjetër, që solli edhe dështimin me Deutsche Bank, do të jenë sindikatat, që flasin për humbje të mëdha të vendeve të punës në rast të shkrirjes.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.